Samstarfssamningur við Ferðamálastofu

Þann 22. október var skrifað undir samning Vinnueftirlitsins við Ferðamálastofu um áframhaldandi samstarf um könnun á vinnuumhverfi og starfsánægju í ferðaþjónustu á höfuðborgarsvæði og landsbyggð.

Verkefnið er unnið í samvinnu við fyrirtækið MMR / Markaðs- og miðlarannsóknir ehf sem sér um gagnaöflun með netkönnun og tölfræðilega frumúrvinnslu gagna.

MMR komu að hönnun verkefnisins og byggir hönnunin á viðurkenndum aðferðum til að rannsaka og mæla starfsánægju í þjónustugreinum, vinnuaðstöðu og hvort og hvernig hún hefur áhrif á ánægju og líðan fólks og býður einnig upp á að bera niðurstöður saman við starfsánægju í ferðaþjónustu víða um heim sem og ákveðna þætti í vinnuumhverfi og líðan starfsfólks í ferðaþjónustu á Norðurlöndum.

Vinnueftirlitið mun með aðkomu sinni áfram taka þátt í hönnun og þróun verkefnisins. Umsjón með verkefninu hjá Vinnueftirlitinu hefur Svava Jónsdóttir, sviðsstjóri á heilsu- og umhverfissviði.