Hoppa yfir valmynd
6. september 2022

Viltu ganga til liðs við okkur hjá Vinnueftirlitinu?

Samantekt

Vinnueftirlitið leitar að öflugum sérfræðingi í hreyfi- og stoðkerfi.
 

Við leitum að metnaðarfullum og drífandi sérfræðingi með þekkingu á hreyfi- og stoðkerfi til að stuðla að aukinni vinnuvernd á innlendum vinnumarkaði. Viðkomandi sinnir vettvangsathugunum og stafrænum samskiptum ásamt því að veita leiðbeiningar á sviði vinnuverndar og vinna fjölbreyttum sérverkefnum. Mögulegt er að sinna starfinu frá starfsstöðvum Vinnueftirlitsins í Reykjavík, Reykjanesbæ, á Akranesi eða á Selfossi.  
 
Hlutverk Vinnueftirlitsins er að styðja við að allt fólk komi heilt heim úr vinnu og stuðla að öruggu og heilsusamlegu vinnuumhverfi með áherslu á forvarnir. Hjá okkur eru spennandi tímar fram undan við innleiðingu á nýrri stefnu og framtíðarsýn með verkefnamiðaða starfsemi að leiðarljósi. Annars vegar verður lögð áhersla á ferlamiðuð verkefni sem unnin eru í straumum og hins vegar á umbóta- og nýsköpunarverkefni sem verða unnin með aðkomu verkefnastofu.  

Helstu verkefni og ábyrgð : 

  • Þátttaka í vettvangsathugunum og stafrænum samskiptum við vinnustaði landsins með áherslu á hreyfi- og stoðkerfi  
  • Þátttaka í fjölbreyttum sérverkefnum sem tengjast hreyfi- og stoðkerfi 
  • Þátttaka í teymisvinnu og umbótastarfi   
  • Upplýsingagjöf og leiðbeiningar til atvinnurekenda og starfsfólks með áherslu á vinnuvernd og forvarnir   

Menntun, hæfni og reynsla: 

  • Æskileg menntun er háskólamenntun tengd heilsu- og stoðkerfi, til dæmis iðjuþjálfun eða sjúkraþjálfun   
  • Farsæl starfsreynsla   
  • Reynsla af farsælli teymisvinnu kostur   
  • Reynsla af textaskrifum og skýrslugerð 
  • Góð greiningarhæfni  
  • Frumkvæði, skipulagshæfni og framsýni  
  • Mikil hæfni í samskiptum  
  • Mjög góð færni bæði í ræðu og riti á íslensku og ensku nauðsynleg   
  • Góð almenn tölvukunnátta nauðsynleg  

  
Starfshlutfall er 100% og starfið felur í sér ferðalög að hluta. Laun eru samkvæmt kjarasamningum opinberra starfsmanna og er markmið Vinnueftirlitsins að greiða laun eins og best gerist hjá ríkinu. Fólk af öllum kynjum er hvatt til að sækja um starfið.    

Nánari upplýsingar um starfið veitir Heimir Guðmundsson, sviðsstjóri vinnuverndarsviðs heimir.gudmundsson@ver.is eða Hildur Ösp Gylfadóttir, sviðsstjóri fólks, upplýsinga og þróunar hildur.gylfadottir@ver.is 

Umsóknarfrestur er til og með 3. október og er sótt um starfið á www.alfred.is