Hoppa yfir valmynd
Fréttir

Vinnuvélar sem ekið er á opinberum vegum skráningarskyldar

Samantekt

Vinnuvélar sem ætlaðar eru til aksturs í umferð þarf nú að skrá í ökutækjaskrá. Eins þarf að setja á þær skráningarmerki.

Eigendur vinnuvéla sem ætlaðar eru til aksturs í umferð, það er að segja á opinberum vegum, þurfa nú að skrá þær í ökutækjaskrá og setja á þær skráningarmerki til auðkenningar. Skráning þessara vinnuvéla hefst í dag, 1. nóvember, og þarf að hafa farið fram fyrir 31. desember næstkomandi. Eftir þann tíma má eiga von á sektum.

Ökutækjaskrá er í umsjón Samgöngustofu en til hagræðingar fyrir eigendur vinnuvéla mun Vinnueftirlitið annast allar skráningar og eigendaskipti á þeim. Sótt er um skráningu vinnuvéla til aksturs í umferð á mínum síðum hér á vefnum.

Reglur um skráningu vinnuvéla koma fram í umferðarlögum sem tóku gildi 1. janúar 2020 og reglugerð um skráningu ökutækja.

Nánari upplýsingar er að finna undir götuskráning hér á vefnum.