Ávinningur

Námskeiðið fjallar um alla helstu þætti vinnuverndar og er hugsað fyrir öryggistrúnaðarmenn og öryggisverði. Það hentar líka öðrum sem hafa áhuga á vinnuverndarmálum og vilja bæta hjá sér vinnuumhverfið. Námskeiðið er greitt af atvinnurekanda samkvæmt lögum.

Eftir námskeiðið eiga nemendur að hafa aukna þekkingu á vinnuverndarmálum og hafa verkfærin til að bæta hjá sér vinnuumhverfið, fækka slysum og veikindadögum og stuðla almennt að betri líðan starfsfólks.

Um námskeiðið

Hvenær er námskeiðið kennt?

Námskeiðið er í boði allt árið. Það hefst þegar nemandinn skráir sig og er opið í átta vikur frá skráningu.

Skipulag náms

Námskeiðið er kennt á netinu, í fræðslukerfi Vinnueftirlitsins. Nemendur geta stundað námið hvar og hvenær sem þeim hentar. Það tekur um það bil sex klukkustundir að fara í gegnum námskeiðið.

Námskeiðið er í boði á íslensku og ensku. Hægt er að velja tungumál eftir innskráningu.

Námsefni

Farið er yfir alla helstu málaflokka sem varða vinnuumhverfi starfsfólks:

• Hávaða, lýsingu, inniloft og loftræstingu

• Efni og efnahættur

• Öryggi véla og tækja

• Líkamlega áhættuþætti

• Sálfélagslega þætti

• Heilsuvernd á vinnustað

• Vinnuslys og slysavarnir

• Notkun persónuhlífa

Fjallað er um hvernig á að gera áætlun um öryggi og heilbrigði á vinnustað.

Leiðbeint er um gerð áhættumats og áætlunar um heilsuvernd og forvarnir sem felur meðal annars í sér forvarnaáætlun og aðgerðir gegn einelti, áreitni og ofbeldi á vinnustöðum.

Lög um aðbúnað, hollustuhætti og öryggi á vinnustöðum eru kynnt sem og reglur sem settar eru á grundvelli þeirra.

Próf

Svara þarf nokkrum spurningum í lok hvers kafla til að geta haldið áfram með efnið.

Skráning á námskeið

Til að skrá þátttakanda þarf að hafa eftirfarandi upplýsingar:

• Kennitölu

• Netfang

• Símanúmer

Mögulegt er að skrá einn eða fleiri þáttakanda í einu. Hægt er að skrá marga þátttakendur með því að hlaða inn CVS skrá með fyrrgreindum upplýsingum um þá. (Hægt er að nálgast CVS skrá inni í umsóknarferlinu).

Hver nemandi þarf að vera með sér netfang.

Einstaklingar greiða fyrir námskeið með staðgreiðslu en fyrirtæki geta óskað eftir reikningsviðskiptum.

Verð

39.900 krónur

Námskeiðsgjald greiðist af atvinnurekanda samkvæmt reikningi eftir skráningu.